ILOILO CITY— BGinpahayag ni Vice President-elect Sara Duterte Carpio nga luyag niya makipagsapol kay Vice President Leni Robredo.
Suno kay Duterte, tapuson niya anay ang transition sa Office of the Vice President agud nga makapagwa siya sang letter nga naga-request sang initial meeting.
Ginpakigbahin sini nga lakip sa iya nga plano para sa Office of the Vice President amo ang “Magnegosyo ‘Ta Day,” isa ka entrepreneurial project para sa mga kababainhan nga iya ginsuguran sang alkalde pa siya sa Davao City.
Nahibaluan nga maga-serbe man ini bilang education secretary sang pungsod sa bag-o nga administrasyon.
Pagatalakayon sini kay President-elect Ferdinand “Bongbong” Marcos Jr. kun ano nga education programs sa idalum ni Presidente Rodrigo Duterte ang luyag nila nga ipadayon.
Handa ini nga mag-ugyon sa mga kaalyado ukon kontra sang tinalikdan nga eleksyon.
“Hindi lang political opponents — everyone, I’m calling on all Filipinos to help the new administration and to help me, in my work as vice president and secretary of education,” suno kay Duterte.
