Monday, September 26, 2022

Volcanic smog gikan sa Taal Volcano, nagdangat na sa Tagaytay

- Advertisement -

Nagdangat na sa Tagaytay City ang volcanic smog ukon vog nga naghalin sa sulfur dioxide nga ginapagwa sang Taal Volcano.

Suno kay Paolo Reniva, resident volcanologist sang Taal Volcano Observatory, na obserbahan nga nagdangat na ang vog tubtob sa Tagaytay.

Nahibaluan nga una nga nakit-an ang vog sadtong Agosto 6 sa mga lugar sa Batangas.

- Advertisement -

Ginpahayag man ni Reniva nga lain ang vog sa normal nga fog sa Tagaytay bangud may baho ini nga asupre nga masakit sa ilong kag mahapdi sa mata.

Gin-pahanumduman naman ni Reniva ang publiko nga mag-usar sang N95 mask kun maggwa sa ila balay.

Samtang, suno naman sa Office of the Civil Defense sa Calabarzon, nagtuga na ang vog sang halit sa mga tanuman sa mga barangay sang Banyaga kag Bibinwang sa banwa sang Agoncillo.

- Advertisement -

Nag-patigayon naman sang assessment ang Municipal Disaster Risk Reduction Council sa halit nga ginbilin sang vog sa agrikultura sa Laurel samtang gina-monitor naman sang Municipal Health Office ang ikaayong lawas sang mga residente kag nagapanagtag naman ang mga ini sang N95 mask.

- Advertisement -
Karen Badilla
Karen Badilla
Karen might be new in the news landscape of Iloilo but she's certainly a pro. Before joining forces with Radyo Bandero Iloilo news team, she served as one of the reporters/anchorwoman/news writers of a radio station in Bacolod City. With more than 3 years of broadcast experience under her sleeve, Karen is a total package ready to serve and deliver nothing but reliable information to the people of Iloilo.

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,010SubscribersSubscribe

Latest Articles