ILOILO CITY- Ginpanginwala ni Philippine National Police ukon PNP Chief Police General Rodolfo Azurin Jr. ang gina-alegar destabilization plot sa Armed Forces of the Philippines ukon AFP nga naglapta sa social media sang nakaligad nga weekend.
Ginpahayag ni Azurin nga iya ginmanduan ang mga Regional Directors sang PNP sa Cordillera nga hibaluon ang ginapahayag memorandum nga nagapahamtang sa tanan nga PNP units sa idalum sang heightened alert status kag l;antawon man kon sin-o ang signatory sa dokumento.
Subongman, ginpahayag ni Azurin nga normal lamang sa PNP kag AFP units nga mangin alerto sa tion sang turn- over ceremonies.
Dugang pa ni Azurin nga ang laragway sang Winner B150 helicopter sa Camp Crame nga nagalapta sa social media ang ginapaidalum lamang sa maintenance check-up.
Samtang ginpahayag ni Azurin nga ginhambalan siya ni newly-installed AFP Chief of staff General Andres Centino nga magabuligay ang PNP kag AFP agud mapasiguro nga mangin estable ang Marcos Administration.
