ILOILO CITY- Positibo sa paralytic shellfish poison ukon toxic red tide ang walo ka mga coastal areas sa pungsod.
Ini ang ginpahayag sang Bureau of Fisheries and Aquatic Resources ukon BFAR base sa ila ginpaguwa nga shellfish bulletin.
Suno sa BFAR, indi hilway kaunon ang mga shellfish nga makuha sa masunod nga mga lugar, coastal waters sang Milagros, Masbate; Panay, President Roxas, kag Pilar sa Capiz; Dauis kag Tagbilaran sa Bohol; Dumanquillas Bay sa Zamboanga del Sur; kag Lianga Bay sa Surigao del Sur.
Subongman, ginpahayag sang ahensya nga ang iban nga seafood magluwas sa mga shellfish nga makuha sa nasambit nga mga area ang safe naman kaunon sang tawo.
Suno pa sa BFAR nga hilway naman karon sa toxic red tide ang Irong-irong kag San Pedro bays sa Samar
