Weightlifting chief, kumpiyansa nga makakuha sang 3 ka bulawan nga medalya sa SEA Games ang Pilipinas

Wala sang duda ang Presidente sang Philippine Weightlifting Federation nga makakuha sang 3 ka bulawan nga medalya ang Pilipinas sa 31^st Southeast Asian Games (SEA GAMES) sa Hanoi, Vietnam.

Mahibaluan nga ang Pilipinas ang may yara na sang 2 golds, 3 silvers, kag 2 bronze medals sadtong 2019 SEA Games, apang ginpahayag naman ni Samahang Weightlifting ng Pilipinas (SWP) president kag former Bacolod City Mayor Monico Puentevella nga ma-improve kag madugangan pa sang Pilipinas ang kadalag-an.

Suno man kay Puentevella, dako ang ila pagsalig sa ila mga lifters bangud wala-untat sa pag-training ang mga ini sa tagsa nila nga lugar apisar may pandemya.

Mahibaluan man nga ang Hanoi SEA Games ang pagahiwaton sa Mayo 12 tubtob Mayo 23 sini nga tuig.