2 ka persona pilason sang ginbuno sang isa ka suspek sa distrito sang Molo

Pilason ang mga biktima nga sanday Tchelzy Mari Tabud kag Lord John Ferrer bangud ginbuno sila sang suspek nga si Allan Indico, lunsay legal nga pang-edaron kag residente sang Brgy. Calumpang, Molo sa Brgy. North Baluarte, Molo sang ala 1:45 sang kaagahon, Nobyembre 6.

Sa impormasyon nga nakuha sang Radyo Bandera Iloilo sa Iloilo City Police Station 4 (Molo Police Station), samtang nagakalakat si Tabud sa nasambit nga lugar, ginpalapitan ini ni Indico kag nabaisay sila rason nga ginbuno ini sa hawak gamit ang makamamatay nga hinganiban samtang nabun-an man si Ferrer sa kamot sang siya ang nagtambang lamang.

Sa karon, ginpatigayon sang kapulisan ang Hot Pursuit Operation agud madakpan ang suspek.