Arraignment ni Vhong Navarro, natalana sa Oktubre 11

Natalana nga hiwaton ang arraignment kag pre-trial conference sa kaso nga rape batok sa aktor kag television host nga si Vhong Navarro sa Martes sang hapon, Oktubre 11.

Nakuha na sang korte ang jurisdiction kay Navarro base sa mandu nga gin-isyu sang Oktubre 5 ni Taguig Regional Trial Court Branch 69 Judge Loralie Datahan.

Nahibaluan nga sang tinalikdan nga bulan, nagsungka si Navarro sa National Bureau of Investigation matapos nga ginpanaugan ini sang arrest warrant para sa kaso nga gina-alegar nga paghimulos sa modelo nga si Deniece Cornejo sang tuig 2014.

Nakapiyansa naman si Navarro sa separado nga kaso nga acts of lasciviousness nga ginfile man ni Cornejo apang gin-aresto siya sang korte sa kaso nga rape.