Monday, August 15, 2022

Isa ka high value individual kag kaupod sini dakop sa Drug buybust operation sa banwa sang Lambunao

- Advertisement -

ILOILO CITY— Dakop ang isa ka high value individual (HVI) kag kaupod sini sa ginpatigayon nga drug buybust operation sang Iloilo Police Provincial Office/Provincial Drug Enforcement Unit (IPPO/PDEU) kag Lambunao Municipal Police Station sa Brgy. Tubungan, Lambunao Iloilo, alas 9:30 kagab-i, Pebrero 16, 2022.

Ang mga arestado ang ginkilala kay Artemio Estercho 32 anyos, residente sang Brgy. San Nicolas, La Paz, Iloilo City samtang ang kaupod sini ang ginkilala naman kay Kenneth Mendoza 23 anyos kag residente sang Brgy. Zarrague, Pototan Iloilo.

Sa interview sang Radyo Bandera Iloilo kay Police Captain Francis Albert Fortunado, team leader sang IPPO/PDEU, ginpahayag sini nga bag-o lang nakaguwa sa presuhan si Estercho sa kaso angut sa ilegal nga druga.

- Advertisement -

Suno kay Fortunado, base sa ila validation malapit isa na ka tuig nga nagbalik baligya sang ilegal nga druga si Estercho.

Natigayon ini nga mabaklan sang isa ka big size sachet sang suspected shabu nga nagabalor sang P16,400.

Nakuha man sa ila paghinakop ang 9 pa gid ka suspected shabu nga ginabanta yara sa 50 gramos ang kabug-aton kag may total market money nga yara sa P100,000 tubtob P150,000.

- Advertisement -

Nakahunong na karun sa Lambunao Municipal Police Station ang duha ka mga arestado kag magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
914SubscribersSubscribe
- Advertisement -

Latest Articles