Saturday, August 20, 2022

Isa ka lalaki sa distrito sang Lapaz pilason matapos nga nabun-an samtang nagabakal sang softdrinks

- Advertisement -

ILOILO CITY— Naka-angkon sang pilas sa nagkalain-lain nga parte sang iya nga lawas ang isa ka lalaki sa distrito sang Lapaz matapos nga nabun-an samtang nagabakal sang softdrinks.

Sa interview sang Radyo Bandera Iloilo kay PSSgt. Angel Lemery Jr., ginpahayag sini nga takna alas-tres kaina sang kaagahon sang nagpadulong sa Lapaz Police Station ang biktima nga ginkilala kay Jyvon Villaruel 18-anyos residente sang barangay Gustilo, Lapaz agud magpangayo sang bulig bangud pilason ini.

Gilayon naman nga gindala sa Western Visayas Medical Center ang biktima.

- Advertisement -

Samtang sandig sa imbestigasyon sang kapulisan takna ala-1 sang kaagahon sang nag-gwa si Villaruela agud nga magbakal sang softdrinks sa tindahan.

Nakibot ini sang gilayon siya nga ginpalapitan sang suspetsado nga ginkilala kay Alcinth Maglayon, 18-anyos kag residente man sang amo nga lugar.

Ginsipa ni Maglayon si Villaruel sa tiyan rasun nga napun-udan ini.

- Advertisement -

Ginpalapitan pa gid si Villaruel sang duha ka lalaki nga ginkilala kay Eddiem Inocencio 18-anyos kag Eddie Boy Innocencio 20-anyos kag lunsay residente sang Brgy. Jereos, Lapaz.

Ginsaputi kag ginbuno sang duha si Villaruel sa diin naigo gid ang buli, ulo kag natuo nga abaga sini.

Nadakpan si Maglayon alas 3:10 sang kaagahon pinaagi sa bulig sang Barangay Tanod kag nagpatigayon naman sang hot pursuit operation ang mga kapulisan angut sa duha pa ka suspek.

- Advertisement -

Sa karun, nakahunong si Maglayon sa Lapaz Police Station para sa nagakaigo nga disposisyon samtang padayon naman nga ginabulong si Villaruel.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
924SubscribersSubscribe
- Advertisement -

Latest Articles