Aminado ang abogado sang actor-host nga si Vhong Navarro nga madag-an ang kaso nga acts of lasciviousness kag non-bailable nga rape batok sa iya nga gin-file sang modelo nga si Deniece Cornejo.
Suno kay Atty. Alma Mallonga, handa na ang ila kampo kag igapamatuod nila sa korte nga nangin biktima ang iya kliyente.
Boluntaryo nga nagsungka ang aktor sa National Bureau of Investigation (NBI) sang Lunes, Setyembre 19 matapos nga ginpanaug sang korte sa Taguig ang duha ka kaso batok sa iya.
Ang una nga arrest warrant amo ang acts of lasciviousness case nga gin-file ni Cornejo sang tuig 2014 kag nagrekomenda ang Branch 116 sang Taguig Metropolitan Trial Court sang piyansa nga ₱36,000.
Kaso naman nga rape nga wala sang piyansa ang ikaduha nga ginpanaug nga warrant of arrest sa aktor sa kapareho nga adlaw sang Taguig Regional Trial Court Branch 69.
Ginturn over naman si Navarro sa NBI-Security and Management Section (NBI-SMS) sini nga adlaw, Setyembre 20 para sa iya detention.
