Lalaki arestado bangud sa paghupot sang iligal nga armas banwa sang Carles

ILOILO CITY— Arestado ang isa ka lalaki sa banwa sang Carles bangud sa paghupot sang iligal nga armas.

Ini ang ginkilala kay Antonio Baltar, 46-anyos kag residente sang Brgy. Poblacion, Carles, Iloilo.

Sa impormasyon nga nakuha sang Radyo Bandera Iloilo, alas 11:00 kahapon sang aga sang nadakpan sang Carles Mobile patrol ang suspek nga yara sa impluwensya sang makahulubog nga ilimnon kag naaktuhan nga may dala nga isa ka 12 Gage unit shotgun.

Nakahunong na karun sa Carles Municipal Police Station ang suspek kag magapangatubang sang kaso nga paglapas sa Comelec Resolution No. 10728 ukon Comelec gun ban.