Wednesday, August 17, 2022

Salakyan nagupi ang kilid kag nawas-ag ang window shield sini matapos nga nabungguan sang isa ka motorsiklo sa dalan Iznart, City proper kaina sang kaagahon

- Advertisement -

ILOILO CITY— Nagupi ang kilid kag wasak ang windshield sang salakyan matapos nga nabungguan sang motorsiklo sa dalan Iznart, City Proper takna 4:30 kaina sang kaagahon.

Ginkilala ang driver sang motorsiklo nga si Kent Regil Baylen, 33-anyos kag residente sang Tabucan, Mandurriao.

Samtang ang driver naman sang salakyan ang ginkilala kay Jushua Eribal, 25-anyos kag sakay sini ang iya iloy nga si Marilou Eribal 46-anyos kag  pakaisa  nga si Roselle Kate Delatina 21-anyos kag lunsay residente sang Kaingin, La Paz, Iloilo City.

- Advertisement -

Sa interview sang Radyo Bandera Iloilo sa driver sang salakyan nga si Jushua, ginpahayag sini nga halin sila sa La Paz kag padulong kun tani sa Iloilo Central Market agud magbaligya sang karne sang baboy apang gulpiyada sila nga ginbungguan sang motorsiklo nga ginpasuni halin sa Muelle Loney.

Naguba ang motorsiklo kag nagupi naman ang nawala nga pertahan sang salakyan.

Nakaagom  sang pilas sa nawong ang  sakay  sang salakyan nga si Delatina.

- Advertisement -
Quin Gomer Dellera
Quin Gomer Dellera
Gomer is a trailblazer in the media industry who strives hard to give credible and trustworthy news. He is passionate and devoted in newswriting. He is a new breed of reporter that specializes in entertainment, tourism, culture and arts.

Related Articles

Leave a Reply

Listen to Radyo Bandera Iloilo - LIVE Audio Stream

Stay Connected

40,027FansLike
916SubscribersSubscribe
- Advertisement -

Latest Articles