Naka-detained sa karun si Vhong Navarro sa National Bureau of investigation (NBI) Detention Center sa Manila bangud sa gina-alegar pag-rape sa modelo nga si Deniece Cornejo.
Nahibaluan nga nagsurrender kahapon, Setyembre 19 ang It’s Showtime host matapos nga magpanaug ang Taguig City Court sang warrant of arrest sa kaso nga Acts of Lasciviousness.
Nagpiyansa naman si Vhong sang ₱36,000 sa nasambit nga kaso.
Nagapabilin sa kustodiya sang NBI ang TV host-actor matapos nga liwat nga magpanaug sang warrant of arrest para sa kaso nga rape ang Taguig City’s Regional Trial Court Branch 69 kag non-bailable ini.
Nagpaidalum naman si Vhong sa antigen test kag nag negatibo ang resulta sini antes pa man siya gin-turn over sa NBI-Security and Management Section para sa iya detention.
Gin-release naman ang mug shot sang aktor sa official Facebook page sang NBI.
Nagpahayag naman sang pagkadismaya ang aktor batok sa reklamo sa iya nga gin-file ni Deniece sang tuig 2014 kag suno sa iya madugay na ini nga natapos.
Ginpaanginwala man ni Vhong nang mga kaso batok sa iya kag nagalaum siya sa suporta sang iya legal team, asawa kag pamilya.
