ILOILO CITY— Nangin matawhay ang una nga duha ka adlaw sang filing sang certificate of candidacy sa Western Visayas.
Ini ang ginkumpirmar ni PLt. Col. Arnel Solis, tagpamaba sang Police Regional Office-VI sa interview sang Radyo Bandera Iloilo.
Ginpahayag sini nga wala sang may na-report nga insidente sa ginpatigayon nga pagsumiter sang certificate of candidacy (COC) sa talatapan sang Commission on Elections.
Suno kay Solis, may ginpang-deploy nga mga kapulisan sa tagsa-tagsa ka mga lokalidad agud masiguro ang police visibility para makaresponde sa tion sang emerhensya kag sa pagpatuman sang minimum public health standards sa tunga sang pandemya.
Nagpasalig man ini nga padayon ang pagserbisyo sang mga law enforcement officer agud masiguro ang seguridad sang mga pumuluyo.
