ILOILO CITY- Nangin madinalag-on si Leon Edwards sa pagdepensa sang iya UFC welterweight world title sa iya trilogy fight batuk kay Kamaru Usman kasunod sang majority decision sa main event sang UFC 286 subong nga Domingo sa O2 Arena sa England.
Duha sa tatlo ka mga judges ang naghatag sang paborable nga score sa defending champion nga si Edwards- 48-46,48-46, kag 47-47.
Bangud sini, nag-improve ang record ni Edwards sa 21-3 win-loss card, samtang si Usman naman ang may yara na sang 20-3 win-loss record.
Una nga nag-atubangay ang duha ka fighters sang 2015 sa non-title bout kag sang nakaligad nga Agosto, liwat sila nga nag-atubangay kon sa diin nagdaug man si Edwards pinaagi sa paglutos kay Usman pinaagi sa fifth round knockout sa ila UFC 278 fight.
