ILOILO CITY-May bag-o nga liga nga gintukod para sa pagdiskubre sang bag-o nga mga talento sa patag sang basketball.
Ini amo ang National Youth Basketball League ukon NYBL Inter-Cities and Provinces Championship nga target maumpisahan sa Nobyembre 15.
Suno kay NYBL Founder Bhot Arimado nga luyag niya mahatagan sang tsansa ang mga bata nga basketbolista nga may edad 19 anyos panubo nga mapakita ang ila kasagad.
Maayo man in inga alagyan agud mahatagan sang kahigayunan nga maka-eskuwela sa mga respetado nga eskuwelahan ang mga bag-uhanon nga players kag mahatagan sang tsansa nga ma-scout sang mga UAAP kag NCAA coaches.
Gin-athag ni Arimado nga mahimo magpasakop ang sin-o man sa ila torneo.
Sa karon may pito ka teams na ang kumpirmado nga magasumpunganay sa ligan ga ginalakipan sang Cavite, Antipolo City, Makati City, Batangas, kag Gumaca, Quezon.
