Sunday, December 4, 2022

Pacquiao-Mayweather rematch, nagtuhaw matapos nagpangako si Mayweather nga magbalik sa paghampang sang boksing

- Advertisement -

ILOILO CITY- Nagtuhaw karon ang spekulasypn nga maga-atubangay sa ikaduha nga kahigayunan sanday Floyd Mayweather Jr. Kag Manny Pacquiao matapos gintumba ni Mayweather si Mikuru Asakura sang Domingo sa Saitama Super Arena sa Japan.

Naglantaw sa nasambit nga sambuwa si Pacquiao kaupod ang asawa nga si Jinkee kon sa diin nag-post man ang pinoy icon sang picture nil ani Mayweather sa Japan. 

Nagsambuwa ang duha sang 2015 kon sa diin nagdaug si Mayweather via unanimous decision.

- Advertisement -

Nagretiro sa paghampang sang boksing si Mayweather sang 2017 matapos lutuson si Conor McGregor apang nagahampang gihapon sa mga exhibition fight.

Samtang si Pacquiao naman ang nagretiro sang nakaligad nga tuig kasunod sang kalutusan kay Yordenis Ugas.

Natalana man siya nga maghiwat sang exhibition fight batuk sa South Korean martial artist DK Yoo sa Disyembre kag sa iya anay sparring partner nga si Jaber Zayani sa Pebrero.

- Advertisement -
Sonny Punay
Sonny Punay
More than 20 years in the broadcast Industry in Iloilo City. 7 years -newswriter/ newscaster @ aksyon radyo Iloilo 18 years-newswriter/newscaster @RMN iloilo

Related Articles

LEAVE A REPLY

Please enter your comment!
Please enter your name here

Listen to Radyo Bandera Iloilo - LIVE Audio Stream

Stay Connected

40,027FansLike
1,190SubscribersSubscribe

Latest Articles