ILOILO CITY- Ginpanginbulahan ni Presidente Ferdinand “Bongbong” Marcos Jr. si Filipino boxer Carlo Paalam matapos maghari sa ASBC Asian Elite Men and Women Boxing Championship sa Amman, Jordan.
Ginlutos ni Paalam si Makhmud Sabyrkhan sang Hazakhstan pinaagi sa split decision sa finals sang men’s bantamweight 54 kilogram event agud madala pauli ang gold medal.
Suno kay Presidente Marcos nga nagasaludo siya sa isa naman ka Pilipino ang nagpataas sang aton hayahay kag nagpakilala sa ikasarang sang atleta nga Pilipino sa bilog nga kalibutan.
Dugang pa sang Presidente nga kuntani maaserbe na inspirasyon ang ini nga kadalag-an ni Paalam sa madamo nga Pilipino nga nagahandum man nga maghatag sang kadungganan sa aton pungsod.
Samtang si Olympic bronze medalist Nesthy Petecio ang nagkuha man sang bronze medal sa women’s featherweight 57 kilogram event.
