ILOILO CITY- Nagtaliwan na sa edad nga 89 ang Queen of Kundiman nga si Sylvia La Torre Perez De Tagle.
Ginpahayag nga matawhay nga nagtaliwan ang singer sa iya katulugon sang alas 7:02 sang aga, Disyembre 1.
Si La Torre nga ginbun-ag sang June 4, 1933 ang ginakilala man bilang First Lady sang Philippine Television kag bilang aktres sa Pelikula, ini siya ang nakilala sa “Ulila ng Bataan”, “Buhay Pilipino”, “Nukdo ng Nukso”, kag “Tang-Tarang-Tang”
Magluwas sa iya trabaho sa Pelikula, Nakilala man si La Torre sa patag sang Musika bilang Queen of Kundiman.
Siya ang tingug sa likod sang Classic Filipino Songs kasubong sang “Maalaala Mo Kaya”, “Sa Kabukiran”, “Paskong anong Saya”, “Waray-waray” kag madamo pa nga iban.
Nagtaliwan si La Torre nga yara sa iya luyo ang iya bana sa sulod sang 68 anyos kag mga kabataan nga sanday Artie, Berne kag Che-che.
