Solido kag mabaskog nga team, pagatukuron ni Coach Chot Reyes para makabawi sa SEA Games

ILOILO CITY- Wala sang may nakasiguro sang otomatiko nga puwesto sa line-up sang Gilas Pilipinas nga magapasakop sa 32^nd Sutheast Asian Games nga hiwaton sa Mayo sa Cambodia.

Ini ang ginpahayag ni Gilas Pilipinas head coach Chot Reyes nga ginahanda na ang game plan para sa national squad nga magahampang sa SEA Games.

Isa ka mabakod nga team ang pagatukuron ni Reyes bangud desidido ini nga mabawi ang korona sang Pilipinas sa SEA Games.

Madumduman nga nakuhaan sang korona ang Pinoy squad sang Vietnam SEA Games matapos malutos sa Indonesia sa final game sini.

Ginalauman nga malakip sa final line up si naturalized player Justin Brownlee.