ILOILO CITY- Pormal na nga ginpahamtang sang Philippine National Volleyball Federation (PNVF) si Sergio Veloso sang Brazil bilang bag-o nga head coach sang men’s national team sugod sa nagahilapit nga 32nd Southeast Asian Games sa Cambodia.
Ginpakilala man sang PNVF sa pagpanguna sang ila Presidente nga si Ramon Suzara ang tatlo ka Fil-ams nga sanday Steven Rotter, Michael Raymund Vicente kag Cyrus de Guzman bilang reinforcements sang hubon sa SEA Games nga magasugod sa Mayo 5 tubtub 17 sa Phnom Penh
Misyon ni Veloso nga mabalik sa podium ang mga Pinoy Spikers matapos ang fifth-place finish sang nakaligad nga tuig sa Hanoi, Vietnam.
Samtang, nag-upod ang PNVF kag Foton Motor Philippines sa pagpamuno ni general manager Levy Santos sa isa ka partnership para sa Philippine Vollyeball.
